Tawgi

Nagtanom ako hin munggo:

waray sirak,

waray hangin,

waray tuna

kundi tubig la.

Nag-atamanako hin gugma:

waray mo dagaang,

waray mohapyod,

gumamot hin lima,

nanahon hin duha.

Didto han tabo ha Palo

an ak’ tawgi

napalit mo intawon.

An akon gugma hasta yana,

laray la gihapon.

SIDAY | Comments (2)

Hi Salvador, an akon puto,magsusundalo

Diri para han nasud.

Diri para hin kun ano pa man.

Tungod kay han tiyan.

An pag-awayan—ha Cordillera,

ha Mindoro, o an ha Sulu,

o man ngani dinhi ha Samar—

asya an paglaom.

Didto, upod han kamatayon

pagbibilngon ni Badoy

an kinabuhi.

Kay dinhi hini nga dapit

mapili ka la han kauunongan—

an bala,

o an kawarayan.

SIDAY | Comments (2)

Nagbalyo Ako Hin Nanay

Ha balay, syahan,

nasiring ako:

“nana.”

Sumiring hira nga:

“nanay.”

Pag-grade one ko—

diri kuno “nana,”

diri kuno “nanay”—

“mama,”

siring han classmates ko.

Siring ni Ma’am Sabel,

an amon English teacher,

“mother.”

Yana,

Well, I call her “mommy.”

SIDAY | Comments (4)