Pagbarol
…“a flagpole was erected,
and the American flag went up.”
-Rolando Borrinaga,
The Balanggiga Conflict Revisited, p.64
Kinakamang tipasulod
han maasin nga tubig nga
nagtitikang ha Cansoguran
an salad han matab-ang
nga salog han Amanlara,
samtang hilit nga sinasaklang
han bulan an adlaw.
Hi Binyang, nagaang
ha pangpang, nanhihingisda
agud pagbarulon an kinawilan
han iya amay, hi Binan.
Idinaitol an tadtaran
ngan pinahigda an buraw.
Ha may ikog han isda
ipinadulot an nag-iinggat
han kamatarom nga salsalon.
Tikang ha ikog, susubayon
han katarom
an balidbid han isda, basi
gumimaw an duason nga
unod, pag-abot ha may tangkugo,
mabalik an kutsilyo ngada
ha butnga han lawas ngan
iduduot tibalik ha siyahan nga
dinultan, pagbibitaron an hiniwa
nga unod han isda ha bawbaw
han tadtaran, dudon-an han
dugoon nga tudlo ni Binyang
an kutsilyo ha ulo han isda
agud tibwayon an
pagbuka, naragunot.
Waray mag-iha, may dumaraon,
hira Joe, an mga di-sugad-ha-aton
nga nagkaabot nganhi ha bungto
pira pa la ka semana an pimiktaw.
Didto han bato
nga sugad han bungkog
han karabaw an kahilapad,
didto kadisgrasya hi Binyang,
ginbuka. Gintasikan. Ginbarol.
Hadto nga oras, an Amanlara
mapag-ad na. An bulan padayon han
pagsaklang. An salog han Amanlara
tak-om nga nagliliro
dara han dulong
han katab-ang ngan kaasgad.
An mga Bayani han Balangiga, Setyembre 29, 1901
Benito Canillas
Pablo Abajero
Augusto Hilarion
Agustin Acedillo
Rosauro Cabillos
Basilio Abing
Hilario Garcia
Laureano Gandia
Ignacio Faduypa
Catalino Espina
Ponciano Delanter
Felipe Andres
Raymundo Bajo
Maximo Bajo
Isidro Bajo
Geronimo Albarina
Elegino Albarina
Guno Canonigo
Ceferino Basdante
Esteban Aguiere
Felipe Cebero
Lucio Elacion
Custodio Elacion
Brijido Ave
Salvador Elecho
Felino Balasbas
Patricio Gacos
Velarde Catalogo
Juan Acidre
Juan Alvarina
Geronimo Elacion
Nagpapakita ini nga kita nga mga Waray, diri naparaogdaog.
Mabuhay kamo, mga bayani han BALANGIGA!
Uncategorized | Comments (3)Para han mga tudlo nga naglara hinin akon duyan
Natusok ka,
natunok
ha pagpulod han uway.
Napilasan ka,
nasamaran
ha paglara han uway
samtang ako
didi hini nga duyan,
“Hay, kaupay!”
SIDAY | Comment (1)Lagung
Lupad-lupad,
lupad-lupad,
mahapon ha salaming,
magkukulaw han nangangaon:
tutok,
simhot,
lupad-lupad,
Ha Jollibee, Dunkin’
di ngani Cindy’s
aadto ako:
hamot,
laway,
lupad-lupad,
lupad-lupad.
SIDAY | Comment (0)
Pagbarol
Para han mga bayani han nahitabo hadto ha Balangiga
…“a flagpole was erected,
and the American flag went up.”
-Rolando Borrinaga,
The Balanggiga Conflict Revisited, p.64
Kinakamang tipasulod
an salad han matab-ang
nga salog han Amanlara
han maasin nga tubig nga
nagtitikang ha Cansoguran,
samtang hilit nga sinasaklang
han bulan an adlaw.
Hi Binyang, nagaang
ha pangpang, nanhihingisda
agud pagbarulon an kinawilan
han iya amay, hi Binan.
Idinaitol an tadtaran
ngan pinahigda an buraw.
Ha may ikog han isda
ipinadulot an nag-iinggat
han kamatarom nga salsalon.
Tikang ha ikog, susubayon
han katarom
an balidbid han isda, basi
gumimaw an duason nga
unod, pag-abot ha may tangkugo,
mabalik an kutsilyo ngada
ha butnga han lawas ngan
iduduot tibalik ha siyahan nga
dinultan, pagbibitaron an hiniwa
nga unod han isda ha bawbaw
han tadtaran, dudon-an han
dugoon nga tudlo ni Binyang
an kutsilyo ha ulo han isda
agud tibwayon an
pagbuka, naragunot.
Waray mag-iha, may dumaraon,
hira Joe, an mga di-sugad-ha-aton
nga nagkaabot nganhi ha bungto
pira pa la ka semana an pimiktaw.
Didto han bato
nga sugad han bungkog
han karabaw an kahilapad,
didto kadisgrasya hi Binyang,
ginbuka. Gintasikan. Ginbarol.
Hadto nga oras, an Amanlara
mapag-ad na. An bulan padayon han
pagsaklang. An salog han Amanlara
tak-om nga nagliliro
dara han dulong
han katab-ang ngan kaasgad.
Uncategorized | Comments (2)
I have loved
by Agha Shahid Ali
I must go back briefly to a place I have loved
to tell you those you will efface I have loved.
Akon hinigugma
Para han Waray nga akon pinulongan
Kinahanglan ko balikan an dapit nga akon hinigugma
basi mo masantop an mga butang nga imo paparaon akon hinigugma.
Uncategorized | Comment (0)