Para han mga Pulong ha Waray nga Pinamatay

Matter can never be created nor destroyed.

                                                           -Democritus

^^^

Ayaw niyo ikabido.

Ikabido niyo ayaw.

Ha kalibutan, waray butang,

waray butang nga naaanaw.

^^^

An tun-og

nalusad tikang

ha langit

basi magbiaw ha tuna

madaliay.

^^^

Ngan tikang ha pagbiaw

masaka ini, pinaagi han sirak,

ngadto ha langit basi

magpakatun-og

ngahaw.

^^^

Ayaw niyo ikabido.

Ikabido niyo ayaw.

Ha kalibutan, waray butang,

waray butang nga naaanaw.

SIDAY | Comment (0)