Pangadi Human Kumarawat hin Bangaw*

Ginoo,

ha akon palad

usa nga biko

sugad hinin palad

an kadako ug kadamo,

binutang ha dahon-saging

sugad hinin akon palad

an kahilapad.

^^^

Akon ini gahin

dinhi ha kalibotan.

Ini nga adi ha ak’ palad

iginpapasalamat ko

labi na kay diri pwede

an umaaro utro.

_______

*Bangaw an tawag ha pagkaon nga pinapa-snack ha mga kabataan (upod an kalagsan) kahuhuman han prosisyon han Santa Cruzan. Usa nga kadaan nga buot-sidngon hini nga pulong amo an "sasaro" o "feast"  ug an bag-o nga kahulogan yana amo liwat an "yagit."

SIDAY | Comment (0)