Written for Dexter’s Wedding Invitation Card
A tributary,
flowing, flowing,
finding its way…
^^^
We met
and flowing, flowing
like the river Yangtze!
_______
Bangin kamo napapausa kun kay ano ako nag-Iningles. Matungod kay kinahanglan–amo an karuyag ni Dexter.
Uncategorized | Comments (19)Ana Escalante Neri (1978-2007)
in memoriam
^^^
…
…
…
…
…
…
…
…
ha physics
nasiring nga waray lugas
nga naaanaw
diri la ito nabibilngan
kay nagliliniyongliyong:
an aada waray
ug an waray aada…
^^^
A, kaupay!
di ak’ ha imo mimingawon.
Uncategorized | Comment (0)Angina Pectoris
ni Nazim Hikmet
^^^
Kun aanhi dinhi, Doktor, an katunga hinin
akon kasingkasing
an lingit aadto ha Tsina
upod han kasundalohan nga igindadaganas
tikadto ha salog han Yangtze.
Ug kada gab-i, Doktor, kun turog an mga priso
ug ginbabyaanan inin tambalanan,
nahapit inin kasingkasing ha nagay-ab
nga balay ha Istanbul.
Ngan yana katima han napulo ka tuig,
an akon la maigagasa ha akon katawhan
ini nga mansanas ha akon palad, Doktor,
ini nga pula nga mansanas:
an akon kasingkasing.
Ug asya ini, Doktor, an hinungdan
hinin pag-inol-olon hinin dughan–
diri matungod han nicotine, an kapriso,
o arteriosclerosis.
Nahangad ako ngadto han kagab-ihon
dida ha may rehas
ha luyo han kabug-on ha dughan
inin kasingkasing naputok pa gihapon
sugad hadton gihirarayoi nga bitoon.
_______
Hinubad ha Waray ni Voltaire Q. Oyzon
Uncategorized | Comments (3)An Malinaomon nga Tawo
ni Nazim Hikmet
^^^
ha iya pagkabata waray niya pagkuhai hin pako an langaw
waray niya higti hin lata an ikog han misay
o prisoha an bagang ha balayan han posporo
o pagtamaki an bundo han anay
dumako hiya
ngan ini nga mga butang ginbuhat ha iya
nakada ako ha iya sapit han iya kamatay
sumiring hiya, “basahi ako hin siday,
bahin han adlaw ug han dagat
bahin han nuclear reactor ug satellite
bahin han kadarayawon han tawo.”
_______
Hinubad ha Waray ni Voltaire Q. Oyzon
Uncategorized | Comment (0)An Bunga
Para han Mangangaturog Niyan
ni Vikram Seth
^^^
nga hirayo ha ira mga minahal,
waray nahangkop ha tuo o wala
ug kawarayan ha igbaw–
^^^
Santopa nga di ka nag-uusaan
nakikisaro an bug-os nga kalibotan han imo mga luha
ha sulod hin usa o duha kagab-i—
pero may ada iba nga ha ira bug-os nga kinabuhi.
____________
-hinubad ni Voltaire Q. Oyzon
Uncategorized | Comment (0)