kutay

 

 

Akon sinusumpay

inin antaw nga mga harigi

pinaagi hin pagdupa

hinin akon mga butkon

ug sugbong

 

Ha akon mga butkon ug sugbong

nahangboy kun maghulos,

namamaglinuha

inin mga panapton

hinin sulod-balay.

 

Kinahanglan

nga ako nga pirmi magmabaskog.

Basi pirmi mahahangboyan

kun naghuhulos

ngan namamaglinuha

inin mga panapton

dinhi hinin akon mga butkon

ug sugbong.

 

 

 

 

SIDAY | Comment (0)