Usa nga Siday

ni Nichita Stãnescu

Hinubad ha Waray ni Voltaire Q. Oyzon

*

Sumati ako, kun usa ka adlaw igkahibalag ta ikaw

Ug akon hadkan an imo rapadapa,

Diri ka ba maikid paglakat,

Mahahadlok hitamakan an akon harok?…

SIDAY | Comment (0)

Siday

ni Nichita Stãnescu

Hinubad ha Waray ni Voltaire Q. Oyzon

*

Siday an luha han mata

ini an pagluha han sugbong

an pagluha han mata han sugbong

ini an pagluha han palad

an pagluha han mata han palad

ini an pagluha han tikod

an pagluha han mata han tikod.

O, ikaw sangkay,

an siday diri an luha

ini amo an pagluha

an pagluha han tinuod nga mata

an luha han mata

han usa nga angay maanyag

han usa nga angay malipayon.

SIDAY | Comment (0)